Des Souris qui firent concilie contre le Chat Ysopet I (Moyen Âge)

Les souris iirent parlement
Où il ot grant grumellement,
Là où dut avoir souris mainte.
Du chat fust faite la complainte:
Le chat ne nous cesse rungier,
Dieu le puist en enfer plungier ;
Il manjue tous nos enfanssons :
A lui nuire, nous avanssons.
Bon conseil vous donrai, dit l’une.
A son dit s’accordoit chascune :
On liera une eampanelle
A soir col, qui si nous revelle :
Si pourrons nous contraitier,
Quant il nous voudra agaitier :
Car nous orrons tantost le son.
A chacun plaist cest alection :
Tuit s’en retournent faisant feste,
Et chascun d’aler estoit preste.
A tant es vous une vies souris
Qui estoit touste alangoris :
Elle estoit et vielle et boiteuse :
De demander fust curieuse
Ce qui estoit fait au concile
Où l’en avoit esté deus mille.
L’en li dit de ül en eguille,
Veci Calabre, veci Puille,
Oncques délibération
N’ot mès si grant discrecion. ?
La vielle dit : qui la liera ?
Et qui tout droit au chat ira ?
Qui mettra ceci a effet ?
Tout ne vaut riens se il n’est fet.

Riens ne vaudroit faire les drois,
Se n’estoit puissance et adrois
Qui les fait garder et tenir.
D’une montaigne sieult venir 8
Une souris quant est enflée.
Qui en parlant fait grant ponée, 9
Et puis apres fait pou de fait,
En parler ne scet qui se fait.

Fable I

Notes

Campanelle : clochette, de campana
Contraitier, ou plutôt contrahaitier : se donner courage contre...
Agaitier ou aguetier : surprendre, surveiller
Alection : choix
Vous : de volter, trotter, tourner.
Alangoris : lauguissant, affoibli, de languor
N'ot mès : n’eut ou n’y eut jamais
Sieult, à la coutume, de solere
Ponée : importance , poids, de pondus