De la Raine et du Buef Ysopet I (Moyen Âge)

La raine qui por pou ne creve
Quant el voit chose qui la greve,
Encontre le buef prist contens,
Et dit qu’elle vault mieux cent tens
Que le buef ne povoit valoir.
Madame, ne vous puet chaloir
Dist un siens fils qui fust plus sages ;
Au buef dittes trop grant outrages;
Trop mesprenez appertement:
Laissés cest envaissement
Et de tiex paroles cessés ;
Car il vaut miex que vous assés,
Et de vous a lui par raison
N’est-il nulle comparaison :
Celle s’émuet et se courrouce,
Et plus en enfle et plus en grouce :
Et ses fils, pour luy plus grever,
Ly dit : Ici povez crever,
Quar au buef n’aves vous povoir :
Ce puet tout le monde véoir,
Celle à qui la parole greve
S’enfle si fort que elle creve,
Le ventre, les côtes et tous,
D’ire, de dueil et de courrous.
Bien se doit garder le meneur
Qui ne se praigne au greigneur :
Ains doit bien penser et savoir
Quel force il peut en li avoir.
Fos est qui, a plus fort de lui,
Se prent ne ne joue avec lui.
Fos est qui tant se veult parer
Qu’a plus grant se veult comparer.
Retien ceste chose a vilaine
Que le petit le grant repraingne.
Aucune foiz que le jdIus sage
A prendre puet a meneur d’agc.
Ne puet chaloir dont la parole
Viengne aprise en bonne escole :
Ne peut chaloir de quel linaige 9
Soit venus ou atrait le saige.
Ne puet chaloir dont est créu
Le vin qui est voulentiers beu.
Ne peut chaloir de la personne,
D’où viengne, mes qu’elle soit bonne,
Qui veult bien et justement vivre;
Ce nous enseigne nostre livre.
Plus encor dit un philosophe,
Je te jure, ne tien pour lobe.
Se j’avoie un pié en la fosse
Et apparillié fu la mosse IO
Dont je devroie estre couvert,
Je veoie le san ouvert 11
Que encor pourroie aprendre,
Je y voudroie encore entendre.

Fable XXXIX

Notes

Raine : grenouille, de rana
Contens : dispute, débat, de contentio
Chaloir : importer, avoir cure, de amlere
Tiex on tieux : tels ou telles, de tales
Grouce : de groucer, gronder en courroux
Ire :colère, de ira
Meneur : moindre, de minor
Greigneur : plus grand, de grandior
Linaige : lignage, race, origine
Mosse : mousse ou monceau
San : magasin