Des Lievres qui s’enfuioient Ysopet I (Moyen Âge)

Li bois par grand vent fremissoient :
Les lievres qui s’y tapissoient,
S’en issirent, tel pour en eurent; ?
- Mais gaires loing fuir ne péurent ;
Savez pourqoy? Pour un mardrés
Qui du bois estoit assez prés,
Arrestés sont trestuit ensemble :
Tel paour ont chacun qui tremblent
Et dient qu’ils se noieroient
Sans les raines qui là estoient.
Quant les oyrent venir bruiant,
Au mardrés s’en saillent fuiant,
Dont li lievre estre cremu cuident,
Pour ce que la place leur vuident,
Si en rient si durement,
Ce dist la fable vrayement,
Que du ris leur fendy la bouche,
Si que aus oreilles leur touche.
Dist li uns : or n’aions doutance ;
Mais soyons en bonne espérance :
Car si nous sommes paoureux
Et couars, ne sommes pas seux :
Veez ces raines ; tant nous doubtent
Que pour nous en l’iave se boutent.

Espérance a mains a valu :
Ainsi elle est voye de salu.
Paoureux sommes sans raison :
Cremir si nous donne achoison
De craindre ; il estuet que je dise,
Legieretez et couardise
Par legiers sommes et couart :
Car quiconques craint, si se gart,
Que il l’esperance n’eschieve : 7
Car sans li est peur trop grieve.
Tel est sauvé par esperance,
Qui de morir fust en doutance :
Et tieux, sans li, mors, ce m’est vis,
Qui o li fust encores vis.
Espei'ance , la dame belle,
Le sage tire a sa cordelle,
De sage homme conduit la vie.
Desesperance l’esbahie
Fait homme au diable enlacier,
Quant il se tuent par acier ,
Par fer, par baston ou par corde.
C’est la plus périlleuse et orde
Qu’est contre débonnaireté
De Dieu et sa bénignité :
Jà pardonnés n’iert ce pecliiez
Qui est, de tous meschiez, meschiez.
Parli, li dons saint Esperis
West amés, requis ne chéris.

Fable XXVIII

Notes

Tapissoient : se cachoient
S’en issirent : en sortirent
Mardrés ou marchés : mare d'eau, marais
Cremu, cremir : craint, craindre
Vrayment : voirement
Seux : seuls
Eschieve ou escheve : esquive, fuit