Comment le Leu mist sus a l'Aigniel qu’il avoit troublé le ruissel Ysopet II (Moyen Âge)
Un leu et un aignel
Buvoient du ruissel
Qui descendent du mont.
Le leu vit l’aignelet
Qui li sembla tendret :
Si le desira moult.
Une aschoison quera
De quoy il le mettra
Et a mort et a sang :
Et puis le mangera
Ainsi com il vouldra
Et fera son talent.
U a dit à l’aignel :
Tu me lairas ta pel,
Couart et desloyal,
Tu troubles le ruissel
Dont ne m’est mie bel ;
Autrefois m’as fait mal.
L’aignelet li a dit :
Entendez un petit
Raison bonne et vraie.
Vous estes par dessus,
Et je suis de çà jus,
Troubler ne la pourraie.
Dit li leu : Autrefois,
Passé a jà neuf mois,
M’en as tu fait despit ?
Dit l’aignel ne puet estre :
J’etois encor a nestre,
Si com ma mere a dit
Tu dis que j’ai menti ;
Trop sui ore ameuti,
Quant si parles à moy :
J’ai esté trop souffrable :
Ce soit par le déable,
Quant plus te souffrcroy.
L’aignelet a mengié :
Ainsi s’en est vengié
Le leu par son outrage.
Oncques ne li meffist
L’aignelet, ni li dist
Ne forfait ne outrage.
Chascuns se doit garder
De mauvais encontrer,
Se dame Dieu me voie.
Qui ne peut l’estriver,
A li ne doit jangler,
Mais aler en sa voie.
Fable X
Titre complet : Comment le Leu mist sus a l'Aigniel qu’il avoit troublé le ruissel porce qu’il le voloit manger
Notes
Plusieurs fois l’auteur de ces fables fait rimer moult avec mont
Aschoison : occasion
Talent ou talunt : anour, jouisauoe, volonté, désir
Estriver : fuir, éviter
Jangler : parler, crier
