Comment le Paon se courrouce de ce qu’il ne chante comme faist le Rossignol Ysopet II (Moyen Âge)

Un roussignol estoit
En un arbre et cliantoit
Mélodieusement :
Un paon l’escoutoit :
Grant duel en demenoit,
Qu’il l’i avenoit tant.

A un most print à dire,
Par courrons et par ire,
Que gré savoir ne doi
A cele qui le fist :
Car po de cure y mist,
Quant mieux chanter ne soy.

Un petit oiselet,
Povre et chétif et let,
Chante si noblement :
Et je ne say chanter,
Tant me'puisse pener,
Fors trop hydeusement.

Or entends ma raison,
Dit Juno au paon;
Et si te reconforte :
Plus t’a donné Nature
Qu’a mile créature,
Tant soit foible, ne forte.

Tu es si orient,
Si bel et si plaisant,
Comme l’on peut penser :
Il n’a sous ciel oisel
Qui plus de toi soit bel :
De ce te pues vanter

Quant Nature te fist,
Moult grant entente y mist,
Et te donna biauté :
Au roussignol du chant :
De biauté tant ne quant
N’a, ne d’autre bonté.

Le coc fait le matin
Cognoistre, en son latin,
Et chante hautement :
Cil auront trop a faire,
Qui tout voudroit retraire
De bestes et de gent.

Nature a ordenées
Ses vertus et donées :
Et si n’a nul le tout.
Se tu veus conte avoir,
Chascuns puet bien savoir
Que tu es fol et glout.

Celi qui a envie
D’autrui, fait grant folie,
Et si, vit a doleur :
Tout doit à chascun plaire
Que Jésus Christ veut faire ,
Qui est vrai créateur.

Les riches conteront
Des biens qu’il aront
En ce siecle conquis.
Cil qui petit ara,
De petit contera
Au Roy de paradis.

Qui vit en povreté,
Sans point d’iniquité,
Moult ara grant richesse
Es cieux, en paradis,
O dieux et ses amis,
Seront joyeux et aise.